Бүгін аудан әкімдігінің мәжіліс залында игілікті шара өтті. «Қорқыт елі – Қармақшы» жастар қоғамдық бірлестігінің ұйымдастыруымен өткен жиында алғы сөзді аудан әкімінің орынбасары М.Сәмитов сөз сөйлеп, чернобылдық ерлердің жан кешті ерліктерін еске алып, олардың сол кезеңдегі іс-әрекеттері бүгінгі ұрпақ үшін ерліктің үлгісі екенін тілге тиек етті. Чернобыль ардагерлеріне алғыс хаттар табысталып, сый құрмет көрсетілді. Шараны ауданымыздың мәдениет саласының майталмандары әсем әндерімен әрлеп, жиылған қауымға көтеріңкі көңіл күй сыйлады.