Жас сақшы сыныбына патриоттық бағытта арнайы іс-шара өткізілді
Қармақшы ауданы, Жосалы кенті, Омар Шораяқұлының атындағы №30 қазақ орта мектебінің “Жас сақшы” полиция сыныбының оқушыларының бойына отансүйгіштік рухты қалыптастыру, жүректеріне патриоттық сезім ұялату мақсатында, Ауған соғысының ардагерлерімен “Тарихтан тағылым, болашаққа аманат” атты кездесу іс-шарасы өткізілді.
Іс-шараға Қармақшы ауданы полиция бөлімі бастығының жеке құраммен жұмыс жөніндегі полиция майоры Абдугаппаров Дулатбек Жалғасбекұлы қатысып, оқушыларға тәртіп пен жауапкершіліктің маңызын түсіндіріп, құқық қорғау саласына қызығушылықтарын арттыру бағытында өнегелі әңгіме жүргізді.
Қармақшы ауданы полиция бөлімі жас ұрпаққа патриоттық тәрбие беру және құқықтық мәдениетті қалыптастыру бағытындағы жұмыстарды алдағы уақытта да жалғастырады.
