ҚАРМАҚШЫ АУДАНЫНДА КӘСІПКЕРЛІК САЛАСЫНЫҢ ҮЛЕСІ АРТУДА

Қармақшы ауданының экономикалық дамуына тікелей әсер ететін шағын және орта кәсіпкерлікті дамыту мәселесі басты назарда.

2026 жылдың 1 қаңтарында ауданда тіркелген кәсіпкерлік субъектілерінің саны 3 211 бірлікті құрайды. Оның ішінде белсенді жұмыс жасап тұрған кәсіпкерлік нысандарының саны 3 065 бірлікке жеткен. 2025 жылы мемлекеттік қаржылай қолдау бағдарламалары аясында жалпы құны 1 млрд теңгеге жуық 60 жоба несиелендірілді. Атап айтқанда:

– Біріңғай кешенді бағдарлама шеңберінде екінші деңгейлі банктер арқылы 4 жобаға 95,0 млн теңге;

– Аграрлық несие корпорациясы арқылы 9 жобаға 571,5 млн теңге;

– «Ауыл аманаты» бағдарламасы аясында 41 жобаға 280,8 млн теңге;

– «Қызылорда» өңірлік инвестициялық орталығы арқылы 6 жобаға 52,0 млн теңге көлемінде несие берілді.

Сондай-ақ аудан бойынша жаңа бизнес-идеяларды дамыту және кәсіпкерлік бастамаларды қолдау мақсатында әлеуметтік осал топтарға жататын 118 азаматқа жалпы сомасы 185,6 млн теңгені құрайтын қайтарымсыз мемлекеттік гранттар табысталды.