"АДАЛ АЗАМАТ" БІРТҰТАС ТӘРБИЕ - ҚҰНДЫЛЫҚТАР НЕГІЗІ
Аудандық білім бөлімінің ұйымдастыруымен мектеп директорларының тәрбие ісі жөніндегі орынбасарлары арасында “Адал азамат” біртұтас тәрбие - құндылықтар негізі" тақырыбымен біртұтас тәрбие бағдарламасы аясында жүргізілетін жұмыстардың орындалуы жайлы жиналыс өткізілді.
Жиналысқа облыстық мәслихат депутаты Е.Қалиев, аудандық Қармақшы таңы газетінің редакторы С.Райымбаева, аудандық білім бөлімінің әдіскері А.Тоқшылықовалар қатысып, "Адал азамат" біртұтас тәрбие бағдарламасы бойынша жүргізіліп жатқан жұмыстар, міндетті 6 жобаның орындалуы жайлы пікір алмасып, тәрбие мамандарының ұсыныстарын тыңдады.
Тәрбие мамандары өз тәжірибелерімен бөлісіп, жұмыс барысында кездесетін қиындықтарды жеңілдету жолдары жайлы ойларын ортаға салды. Жиналыс өте мазмұнды өтті.
