Облыстық семинар: «Біртұтас тәрбие - жалпыадамзаттық, ұлттық құндылықтар негізі» әдістемелік көпір
Байқоңыр қаласындағы №277 мектеп-лицейінде 26 ақпан күні “Біртұтас тәрбие - жалпыадамзаттық, ұлттық құндылықтар негізі” айдарымен ұлттық құндылықтарды насихаттау, тәжірибе алмасу мақсатында облыстық әдістемелік көпір өткізілді.
Мақсаты: ұлттық, жалпыадамзаттық құндылықтарды оқу-тәрбие үдерісінде тиімді қолдану, өзара әріптестік көпір арқылы ынтымақтастыққа қол жеткізу.
Облыстық шара барысында оқу-тәрбие үдерісінде құндылықтарды білім алушылар бойына сіңіру үшін жоғары деңгейде шаралар ұйымдастырылды.
Құндылықтарға негізделген кіріктірілген ашық сабақтар мен тәрбие сағаттары, құқық қорғау саласының мамандарымен жүргізілген шара, педагог-психологтармен, мұғалімдермен, ата-аналармен өтілген жұмыстар, мектептің "Шуақ" театрының "Аладдин" және "Абай" мюзиклдары Қызылорда облыстық білім басқармасының "Тәрбие және спорт, қосымша білім беру" орталығының директоры Досаев Фархад Лясұлы бастап келген облыстың тәрбие мамандары мен психологтарының жоғары бағасына ие болды. 4 бөлімнен тұратын әдістемелік көпір 17 жұмыстың біртұтастыққа бағытталуы - әдістемелік көпірдің мақсатын айқындап, көрерменнің оң пікірін туғызды.
Мектеп ұжымына алғыс айта отырып, аталмыш шара жалғасын табады деп сенеміз.
