2021 жылғы 17 ақпан күні Қармақшы аудандық білім бөліміне қарасты №273 мектебінде «Білгенге маржан...Абай шығармалары және адамтану» тақырыбында аудандық семинар болып өтті. Семинардың мақсаты - ұлы ақын мұрасы арқылы оның Толық адам туралы тағылымы негізінде оқушыларға адамды сүю, оны құрметтеу, биік адамгершілік, елжандылық, имандылық ізгіліктерін насихаттау. Бұл аудандық іс-шараның құрметті қонақтары Қазақстан Республикасының Білім беру ісінің Құрметті қызметкері және үздігі, филология ғылымының кандидаты, абайтанушы Абат Жолдасқызы, Қызылорда қаласындағы №101 мектеп-лицейі директорының оқу ісі жөніндегі орынбасары Алимова Айжан Шорабекқызы болды. Сонымен қатар семинар жұмысына Байқоңыр қаласы, Ақай ауылы, Төретам қыстағының тәрбие мамандары қатысты.

Семинар барысында рухани-танымдық тәрбие,зияткерлік тәрбие, көпмәдениетті-эстетикалық тәрбие,отбасылық тәрбие,ұлттық және жаңа қазақстандық патриотизм тәрбиесі сынды тәрбие бағыттары бойынша іс-шаралар жүргізілді. Семинар жұмысы жас ұрпаққа ақынның педагогикалық бағытта жазылған тәлім-тәрбие беру жөніндегі әдеби мұрасының мақсатын айқындап, Толық адам туралы ұстанымдарын саралап берді.