Ұлттық ойын ойнатылды

Ағымдағы жылдың маусымында Қармақшы ауданы, 3 Интернационал ауылы, №108 орта мектебінің «Балдәурен» тынығу лагерінде «Қоғамдық келісім» КММ-нің Қармақшы аудандық этносаралық қатынастар жөніндегі сарапшысының ұйымдастыруымен «Мың бала» республикалық мәдени-ағартушылық жобасы аясында «Тиімді тілдік орта» атты сайыс өтті. Сайысқа мектептің тәрбие ісі жөніндегі орынбасары А.Әділбаев, лагерь тәрбиешілері және тәрбиеленушілері қатысты. Шара мақсаты балаларға ұлттық құндылықтарды қастерлеуге, қазақ халқының ұлттық ойындарын насихаттауға бағытталған. 
Сайыс «Қол күрес», «Арқан тарту», «Асық ату», «Тоғыз құмалақ» ойындарынан құралған 4 кезеңнен тұрды. Байқау қорытындысы бойынша жеңімпаздарды анықтауда «Қырандар» тобы 10 ұпаймен ІІ-орын, «Алғырлар» 14 ұпаймен І-орын иеленді. Шара соңында жеңімпаздар марапатталды.