"Мың бала" республикалық мəдени-ағартушылық жобасы
Қармақшы ауданы ІІІ Интернационал ауылы №108 орта мектебінде "Мың бала" республикалық мəдени-ағартушылық жобасы аясында «Мен қазақ тілін білемін» атты түрлі этнос өкілдерінің қатысуымен байқау өтті. Байқауға Қызылорда облысы әкімі аппаратының "Қоғамдық келісім" КММ-нің Қармақшы ауданы бойынша этносаралық қатынастар жөніндегі сарапшысы Н.Айтбаеваның ұйымдастыруымен өткізілген шарада «Қармақшы Жастары» жастар қоғамдық бірлестігінің төрайымы Ж.Маханова қазылық етті. 2 бөлімнен тұратын байқауға қазақ, түрік, корей этностарының өкілдері, барлығы 8 қатысушы қатысты. Жарыстың қорытындысы бойынша байқауда жүлделі ІІ орынды «Жалын» тобы, І орынды «Достық» тобы иеленді. Барлық жарыс қатысушылары «Қармақшы Жастары» жастар қоғамдық бірлестігінің алғыс хаттары мен естелік сыйлықтарымен марапатталды.
