АУДАН ПСИХОЛОГТАРЫН МАРАПАТТАУҒА АРНАЛҒАН ШАРА ҰЙЫМДАСТЫРЫЛДЫ
Аудандық білім бөлімінің ұйымдастыруымен «25 желтоқсан Қазақстан республикасындағы психологтар күні» қарсаңында сала мамандарын ұлықтауға арналған марапаттау шарасы өтті.
Шара барысында білім беру ұйымдарында аянбай еңбек етіп жүрген психолог мамандардың еңбегі еленіп, алғыс хаттар мен марапаттар табысталды.
Шараға облыстық психологиялық қолдау орталығының маманы Өмірбекова Сандуғаш Багдатқызы арнайы қатысып, жасөспірімдер арасында ұйымдастырылған «Эссе байқауының» жеңімпаздарын арнайы марапаттап, дипломдарын табыстады.
Сондай-ақ білім бөлімінің психологиялық қызмет бойынша әдіскер А.Кенжебаева кәсіби біліктілігімен, жауапкершілігімен және шәкірт жүрегіне жол таба білген еңбегі үшін аудан психологтарын білім бөлімі басшысының арнайы Алғыс хатымен марапаттады.
