"ТАЗА БЕЙСЕНБІ": ҚАРМАҚШЫ АУДАНЫНДА ТАЗАЛЫҚ АКЦИЯСЫ ҰЙЫМДАСТЫРЫЛДЫ
Мемлекет басшысының "Таза Қазақстан" жалпыұлттық бастамасы аясында "Таза бейсенбі" акциясы жалғасуда.
"AMANAT" партиясы Қармақшы аудандық филиалының ұйымдастыруымен Жосалы кентіндегі А.Иманов көшесінің бойы тазартылды. "Қатысушылар қоршаған ортаны қорғауға өз үлестерін қосып, аумақты қоқыстан тазартып, айналаны көркейтуге атсалысты.
- Акцияның басты мақсаты – экологиялық мәдениетті қалыптастыру, тазалыққа деген жауапкершілікті арттыру. Тазалық – өзімізден басталады. Барша қатысушыларға белсенділіктері үшін алғыс білдіреміз. - деді партияның Қармақшы аудандық филиалының атқарушы хатшысы Ғалымжан Ақжігітов.
Игі іске бастауыш партия мүшелері, жастар, жалпы 50-ге жуық азамат үлес қосты. Экологиялық акция барысында 120 метр жер аумағы тазартылып, 14 қап қоқыс жиналды.
