Қызылорда өңірінде Мемлекет басшысының «Таза Қазақстан» жалпыұлттық бастамасы аясында «Таза бейсенбі» акциясы жалғасуда.

Бүгін «AMANAT» партиясы Байқоңыр филиалының ұйымдастыруымен Байқоңыр қаласындағы «Ғалым - Ғарыш» монументі мен жастар саябағының аумағы қоқыс пен арамшөптен тазартылды. Игі іске партия мүшелері, қоғам белсенділері мен жастар жалпы 80-ге жуық азамат үлес қосыты.

«Монумент маңайы мен жастар саябағында күнделікті кешкі мезгілде көп адам жиналады. Отырған жерлерін ластап, қалдықтарын шашып кететіндер бар. Бүгінгі экологиялық акция барысында 300 метр жер аумағы тазартылып, 12 қап қоқыс пен арамшөп жиналды» дейді партияның Байқоңыр филиалының Атқарушы хатшысы Мақсат Есбенбетов.

Жалпы жоба аясындағы тазалық жұмыстары жыл соңына дейін жалғасатын болады.