Бүгін "Таза Қазақстан" жалпыұлттық шарасы аясында бастау алған "Таза бейсенбі" акциясы жалғасын тауып, тазалық жұмыстары жүргізілді.

Басты мақсаты - тазалық жұмыстарын жүргізу ғана емес, еліміздің тазалығы мен әсем табиғатына қамқорлық жасайтын саналы экологиялық қоғам құру.

Жалпы қоршаған ортаны таза ұстау әрбір азаматтың парызы және де Байқоңыр қаласында тазалықты сақтау жұмыстары өте белсенді жүргізілуде. Игі іске "AMANAT" партиясының өкілдері де өз үлестерін қосып келеді.

Бүгін өткізілген "Таза бейсенбі" акциясы аясында "AMANAT" партиясы Байқоңыр филиалы "Жасыл ел" жасағындағы жастармен бірге "Ғарыш-Инфрақұрылым" мекемесінің ғимараты жанындағы аумақтарды қоқыстардан тазарту жұмыстарын жүргізді.