ӘРБІР МӘСЕЛЕ МАҢЫЗДЫ
VIII шақырылымдағы аудандық мәслихаттың кезектен тыс 37-сессиясы жуырда Жосалы кенті әкімі аппаратының мәжіліс залында өтті. Оған 10 депутат қатысты.
Сессия жұмысына аудан әкімінің орынбасары Ш.Сыдықов, дербес бөлім басшылары, кент, ауылдық округ әкімдерінің мамандары, жеке кәсіпкерлер және жергілікті БАҚ өкілдері қатысты.
Сессияның күн тәртібінде төмендегі мәселелер қаралды.
1. Қармақшы ауданы бойынша оңайлатылған декларация негізінде арнаулы салық режимін қолдану кезінде салық мөлшерлемесінің мөлшерін төмендету туралы.
2. Қармақшы ауданының Жосалы кентіндегі және Қуаңдария ауылдық округіндегі атауы жоқ көшелеріне атау беру туралы.
3. Қармақшы аудандық мәслихатының 2023 жылғы 27 желтоқсандағы №123 «Қармақшы аудандық учаскелік сайлау комиссияларының құрамын сайлау туралы» шешіміне өзгеріс енгізу туралы.
Сессия соңында депутаттардың ұсыныспікірлері тыңдалды. Сессия жұмысын аудандық мәслихат төрағасы Ә.Қошалақов қорытындылады.
Қармақшы аудандық мәслихаты
