Сессия өтті

Сейсенбіде Жосалы кенті әкімі аппаратының мәжіліс залында аудандық мәслихаттың төрағасы Әділ Қошалақовтың төрағалығымен VIII шақырылымдағы аудандық мәслихатының кезектен тыс 23-сессиясы өтті.

Оның жұмысына аудан әкімінің орынбасары Шыңғыс Сыдықов, кент, ауылдық округ әкімдері, мекеме басшылары және жергілікті медиа өкілдері қатысты.

Сессияның күн тәртібінде Қызылорда облысы Қармақшы аудандық мәслихатының 2023 жылғы 25 желтоқсандағы No105 «2024-2026 жылдарға арналған аудандық бюджет туралы» шешіміне өзгерістер енгізу және Қармақшы аудандық мәслихатының 2023 жылғы 27 желтоқсандағы No123 «Қармақшы аудандық учаскелік сайлау комиссияларының құрамын сайлау туралы» шешіміне өзгерістер енгізу туралы мәселелер қаралып, талқыланды.

Сессияның күн тәртібіне сай, аудандық мәслихаттың тиісті шешімдері қабылданды.

Сондай-ақ сессия алдында тұрақты комиссиялардың бірлескен отырысы өткізілді.