АБАЙ ЖӘНЕ АДАМ ҚҰҚЫҒЫ
Байқоңыр қаласы № 273 орта мектебінде бүгінгі күнгі қоғамның алдында тұрған басты міндеттердің бірі– кәмелетке толмағандар арасында құқық бұзушылықтың алдын алу, патриоттық тәрбие беру, ұлттық құндылықтарды дәріптеу мақсатында «Абай және адам құқы» тақырыбында аудандық
іс-шара өткізілді.
Ұлы Абайды тәрбиелеген Құнанбай Өскенбайұлының ел өміріндегі еңбегін,қазақ тарихындағы өз орны бар , заманының көрнекті қайраткері, әділетсіздік пен дәулеттілердің зорлығына қарсы қалқан болған қалың қазақтың қамын жеген дара тұлға екенін айқындаған «Жас талант» театры мүшелерінің сахналық қойылымы көрермендер көңілінен шықты.
Он бес жасында өз замандастарынан озық шығып, ат үстінде жүрген әкесіне көмегі тиген жас Абай даулы істерде әділ билік айта жүріп, жиырма жасында от ауызды, орақ тілді шешен, төрелік айту жөнін жақсы білетін танымал тұлға болғанын жас өнерпаздар көпшілікке көрсете білді.
Көпшілік назарына Абайдың басшылығымен жазылған «Қарамола Ережесі» туралы мәлімет ауызша журнал ретінде ұсынылды.
