"Руханият орталығында" «Creative Caravan» көрмесі өтті!

Руханият пен шығармашылық тоғысқан ерекше күн болды. «Руханият орталығында» өткен «Creative Caravan» көрмесіне ауданға қарасты елді мекендерден келген әйелдер мен партия филиалының жанынан құрылған «Әйелдер қанаты» бірлестігінің мүшелері қатысып, өздерінің ерекше туындыларын жұртшылық назарына ұсынды.

Көрме аясында қолданбалы өнер, қолөнер бұйымдары, сурет және сәндік бағыттағы жұмыстар қойылып, келушілер жылы пікір білдірді.

Іс-шараның мақсаты – әйелдердің шығармашылық әлеуетін арттыру, рухани және мәдени құндылықтарды насихаттау.

Көрме қатысушылары өзара тәжірибе алмасып, болашақ жобалар туралы ой бөлісті.

Осындай бастамалар қоғамдағы шығармашылық рухты күшейтіп, әйелдердің өнер мен мәдениеттегі орнын айқындай түседі.