АЛАШТЫҢ АСТАНАСЫ - ҚЫЗЫЛОРДА
Қызылорда - қазақ тарихында ерекше орны бар рухани орда. Алаш арыстарының ізі қалған бұл өңір - елдік пен ерліктің мекені. Биыл қаламыздың Алашқа Астана атанғанына тура - 100 жыл. Осы атаулы күнге орай аудандық музейде "Алаштың астанасы - Қызылорда" тақырыбында дөңгелек үстел өткізілді.
Дөңгелек үстелдің мақсаты Қызылорда қаласының тарихтағы орнын айту, дәріптеу, Алаш қайраткерлерінің еңбегін таныту.
Тарихи сана мен патриоттық рухты қалыптастыру. Шараға аудандық Оқушылар үйінің, №27 орта мектептің мұғалімдері, Қармақшы аграрлы-техникалық колледжінің студенттері мен кітапханашылар қатысты.
Дөңгелек үстел барысында "Қызылорда қаласының тарихы" тақырыбында бейнетүсірілім көрсетіліп, қаламыздың қатпарлы қазақ тарихындағы алатын орны, республика Астанасы ретіндегі рөлі, сол дәуірдің саяси-әлеуметтік ахуалы жан-жақты сараланды. Қатысушылар қала тарихына, Алаш мұрасына байланысты өз ойларымен бөлісті.
