Дөңгелек үстел ұйымдастырылды

qarmaqshy-tany.kz №277 мектеп-лицейінде 23.01.-03.02.2023 жыл аралығында «Алаш зиялыларының мұрасы және тәуелсіз Қазақстанның құндылықтары» тақырыбында өткізілген онкүндік іс-шаралар аясында тарих пәні мұғалімі Сулейменова Шолпан 26.01.2023 жылы 9-10 сынып оқушыларымен «Алаш арыстарының идеясы және бүгінгі қазақ жастары» тақырыбында дөңгелек үстел ұйымдастырды. Іс-шараның мақсаты: Алаш қозғалысының тарихы, ел тәуелсіздігін аңсаған, ұлт болашағы үшін жанын пида еткен Алаш қайраткерлерінің қоғамдық-саяси қызметі туралы ойларын ортаға салу, ұлт тәуелсіздігі мен мемлекеттіліктің жолында күреске толы алаш қайраткерлерінің өмір тәжірибесін бүгінгі қазақ жастарына, келешек ұрпаққа үлгі-өнеге ету.

Дөңгелек үстел барысында оқушылар «Алаш қозғалысының қалыптасуына қандай оқиғалар әсер етті?», «Алаш»қозғалысының қызметі қашан, қалай басталды?», «Алаш» қозғалысының ұстанымдары қандай еді?», «Бүгінгі Тәуелсіз Қазақстан «Алаш» қозғалысы идеясының жемісі деген пікірмен келісесіз бе?»,

«Алаш идеясы» - қазақтың мемлекеттілік, елдің ұлттық идеясы», "Алашорда идеясы және бүгінгі қазақ жастары", «Алаш» идеясының өзектілігі және ХХI ғасырдағы қазақ қоғамында жаңғыртылуы», «Алаш идеясы мен рухы ешқашан өшпейді» - деген оймен келісесіз бе?» сұрақтары аясында өз ойларымен бөлісті.