Көрме өткізілді

qarmaqshy-tany.kz Қармақшы аудандық білім бөлімінің жоспарына сәйкес 2023 жылдың 23 қаңтар мен 03 ақпан күндері аралығында "Алаш зиялыларының мұрасы және Тәуелсіз Қазақстанның құндылықтары" тақырыбындағы онкүндігі аясында 24 қаңтар күні мектебіміздің кітапханасында «Ұлт болашағы жолында біріккен алаш тұлғалары» тақырыбында Орталықтандырылған кітапхананың ұйымдастыруымен көрме өткізілді.

Мақсаты – Алаш қайраткерлерінің және саяси қуғын - сүргін құрбандарының өмір жолдары мен атқарған қоғамдық – саяси қызметтерін тереңінен зерттей отырып, Алаш зиялыларының ұстанған идеясын, зұлмат заман зардабын түсіндіру. Іс-шараға мектебіміздің 8-11 сынып оқушылары қатысты.

Көрмеге Алаш қозғалысы мен Алашорда үкіметінің тарихы туралы кітаптар, алаш интеллигенциясының өнегелі де ғибратты қоғамдық ойлары туралы құнды зерттеулер, саяси-қуғын сүргін құрбандарына арналған әдебиеттер, мерзімді басылымдар қойылды.

Көрмені тамашалаған мектебіміздің оқушылары Алаш қозғалысының тарихын баяндайтын «Қазақстан тарихы», «Қазақ көтерілістері», М.Қозыбаевтың зерттеулері, Н.Назарбаев «Тарих толқынында», «Алаш мұрасы» және Алаш партиясының қатарында болған Ә.Бөкейханов, А.Байтұрсынов, М.Дулатов, М.Тынышбаев, X.Досмұхамедов, Ж.Досмұхамедов, Ж.Арыстанұлы т.б. ұлт зиялыларының шығармаларымен танысты.