"Тар заман" фильмінің қойылымы көрсетілді

qarmaqshy-tany.kz Аудандық музей жанынан құрылған "Жас өлкетанушы" үйірмесінің жылдық жұмыс жоспарына сәйкес Алаш қайраткерлерін еске алып, олардың мұрасын жастарымызға паш ету, Алаш арыстарының асыл мұрасын толыққанды зерттеу жұмыстарын жүргізуді жалғастыру мақсатында үйірме мүшелеріне "Тар заман" фильмінің қойылымы көрсетілді.

Оқиға желісі Алашорда үкіметін құру жолындағы ортақ мұратқа топтасқан алаш зиялыларының өмірінен құрылады. Басты кейіпкердің бірі Әлихан Бөкейхановтың тартысқа толы драмалық кезеңі суреттеледі. Алашорда үкіметін құру жолындағы күрескен тарихи тұлғаларымыздың көркем образдары көрініс табады. Міне, осы оқиғалар желісі үйірме мүшелеріне керемет әсер қалдырды. Оқушылар фильм соңында көрсетілімнен алған әсерлерімен бөлісіп, өз ойларын ортаға салды.