Республика күніне орай аудандық «Жайдарман» ойындарының финалы өтті

Жыл басында бастау алған бұл тартысты сайысқа барлығы 16 команда қатысып, көрерменге шаттық пен күлкі сыйлады. Әзіл мен тапқырлыққа толы әр кезеңнен сүрінбей өткен 5 үздік команда ақтық сынға жолдама алды.

Финалда командалар 2 тур бойынша өнер көрсетіп, көрермендерге ерекше көңіл күй сыйлады. Нәтижесінде Қармақшы ауданы әкімінің арнайы кубогі сарапқа салынды.

Қазылар алқасы құрамында:

Ә.Басаров — облыстық жастар ресурстық орталығының директоры

Н.Сипанов — облыстық «Жайдарман» филиалының директоры

М.Науанов — ардагер жайдарманшы

К.Раева — қазақ тілі қоғамының директоры

А.Іскендіров — К.Рүстембеков атындағы жыраулар үйі директорының орынбасары болды.

Ойын қорытындысы:

1 орын — Жеті жұлдыз командасы

2 орын — Бір үйдің қыздары командасы

3 орын — Далада қалғандар командасы

Жеңімпаздарға қаржылай сыйлықтар мен түрлі сертификаттар табысталды.

Сондай-ақ, ойын үздіктерінің бірі “Жеті жұлдыз” командасына облыстық мектепшілік лигаға жолдама, “Бір үйдің қыздары” командасы облыстық жоғарғы лигаға жолдама алды.

Бұл ойындар — жастардың шығармашылық қабілетін шыңдап, достық пен бірлікті нығайтқан маңызды шара болды.