Жайдарман ойындарының ақтық мәресі өтті

Жыл басында басталған маусымашар ойындарына 16 команда тіркеліп, 5 команда ақтық мәреге жолдама алған болатын.

Аудандық жастар ресурстық орталығының ұйымдастыруымен Көшеней Рүстембеков атындағы жыраулар үйінде жайдарман финалы өткізілді.

Жайдарман ойынына аудан әкімінің кубогі сарапқа салынып, 5 команда бақтарын сынады.

Ойын қорытындысы бойынша: ІІІ орын Кәмпит командасы (ІІІ Интернационал), ІІ орын 25 км командасы (Иіркөл ауылы), І орын 1, 1, 3 командасы (Қармақшы ауылы) иеленіп, аудан әкімінің кубогі мен қаржылай сыйлықтар табысталды.

Одан бөлек “Amanat” патиясының Қармақшы аудандық филиалының тарапынан командаларға сыйлықтар берілді. Үздік ойыншы номинациясы бойынша 1, 1, 3 командасының ойыншысы Кеңшілік Құлмұхаммед жеңіп алды.

Осы ойынға арнайы тігілген Жосалы кент әкімінің кубогін 25 км командасы иеленіп, қаржылай сыйлық табысталды.