КӨМЕКБАЕВ АУЫЛЫНДАҒЫ АЛЫП СӘБИДІҢ ДҮНИЕГЕ КЕЛУІМЕН ҚҰТТЫҚТАДЫ
Еліміздің айбыны мен бірлігінің символына айналған Республика күні қарсаңында, аудан әкімі Т.Көмекбаев ауылдық округінде салмағы 6 келіден асатын алып сәбиді дүниеге әкелген отбасыға арнайы барып, жылы лебізін білдірді.
Аудан басшысы ананы және сәбиін мерекелік қуанышпен құттықтап, отбасына зор денсаулық пен бақ-береке тіледі. Сонымен қатар, аудан әкімінің Алғыс хатын және естелік сыйлығын табыстады.
Еліміздің болашағы – сәбилердің шат күлкісінде, аналардың амандығында. Аудан әкімдігі халықтың әлеуметтік жағдайын жақсарту, ана мен бала денсаулығын қорғау бағытындағы жұмыстарды одан әрі жүйелі түрде жалғастыра беретінін жеткізді.
