АУДАН ӘКІМІ АУЫЛДАРДА АТҚАРЫЛЫП ЖАТҚАН ЖҰМЫСТАРМЕН ТАНЫСТЫ
Ауылдардың әлеуетін арттырып, тұрғындардың тұрмыс сапасын жақсарту – аудан басшылығының басты бағыты. Осы мақсатта аудан әкімі Жандос Еркінбек жұмыс сапарымен Алдашбай ахун ауылдық округіне барып, Ә.Егізбаев көшесіне жүргізіліп жатқан жол жөндеу жұмыстарының барысымен танысты.
Көшенің жалпы ұзындығы 2,5 шақырымнан асады. Бұдан бөлек ауыл халқының тұрмыс-тіршілігін жақсарту мақсатында да бірнеше жұмыстар жүйелі атқарылып келеді.
Сапар барысында аудан басшысы ауыл ақсақалдарымен кездесіп, елді мекенде атқарылып жатқан жұмыстарға тоқталып, тұрғындардың ұсыныс-пікірлерін тыңдады. Ақсақалдар қауымы ауылдағы оң өзгерістерге ризашылықтарын білдіріп, әкімге алғыстарын айтты. Өз кезегінде Жандос Еркінбек ауылдарды дамыту бағытындағы мұндай жұмыстардың алдағы уақытта да жалғасатынын атап өтті.
