Бүгін ауа райы қандай болады
17 қазанда Қазақстан аумағының басым бөлігінде кең ауқымды антициклонның ықпалы жалғасады. Синоптиктердің мәліметінше, ауа райы негізінен ашық болады. Тек батыс және солтүстік-батыс өңірлерде атмосфералық фронттардың өтуіне байланысты жаңбыр жауып, қар түсуі мүмкін, деп хабарлайды Egemen.kz.Сонымен қатар республика аумағында желдің күшеюі күтіледі, ал батыста кей жерлерде тұман түседі.
Бірқатар өңірлерде өрт қаупі жоғары деңгейде сақталады. Атап айтқанда, Маңғыстау, Атырау, Ақтөбе, Жамбыл, Қызылорда, Алматы, Қостанай, Ақмола, Ұлытау және Абай облыстарының жекелеген аудандарында өрт қаупі күтіледі.
