Қазақстанда алдағы күндері ауа райы қандай болады?
"Қазгидромет" синоптиктері 9, 10 және 11 қазанға арналған ауа райы болжамын ұсынды, - деп хабарлайды Tengrinews.kz тілшісі.
Алдағы күндері Қазақстанның көп өңірінде жауын-шашынсыз жылы ауа райы сақталады.
"Тек кезеңнің аяғында республиканың батысы мен солтүстігінде атмосфералық фронталь бөліктердің өтуіне байланысты жаңбыр және қар түрінде жауын-шашын күтіледі", – деді синоптиктер.
Республика бойынша желдің күшеюі күтіледі, шығыста және орталықта – тұман, оңтүстік-батыста және оңтүстікте құмды дауыл болады.
"Температуралық фонда айтарлықтай өзгерістер күтілмейді", – деп қосты "Қазгидромет" мамандары.
