Қазақстанда алдағы күндері ауа райы қандай болады?
"Қазгидромет" синоптиктері 7, 8 және 9 қазанға арналған ауа райы болжамын ұсынды, - деп хабарлайды Tengrinews.kz тілшісі.
Алдағы күндері елдің көп өңірінде солтүстік-батыс антициклонымен байланысты ашық ауа райы сақталады. Тек республиканың солтүстігінде және шығысында атмосфералық фронттардың өтуіне байланысты жаңбыр мен қар түрінде жауын-шашын күтіледі.
Республика бойынша жел күшейіп, тұман түседі, ал оңтүстік пен оңтүстік-батыста құмды дауыл болжанады.
- Түнгі уақытта термометр бағандары солтүстік және орталық аймақтарда 1–7 градус аязға дейін төмендейді, алайда күндіз ауа 4–16 градусқа дейін жылынады.
- Шығыс өңірлерде түнде температура 5–13 градус аязға дейін төмендеп, күндіз 3–11 градус жылы күтіледі.
- Қалған аумақтарда ауа температурасы біртіндеп жоғарылайды.
