БӨЛІМ БАСШЫСЫ БЕРІК ЖӘНІБЕКОВ МЕКТЕПТЕРДІ АРАЛАП, МАТЕРИАЛДЫҚ-ТЕХНИКАЛЫҚ ЖАҒДАЙЫМЕН ТАНЫСТЫ

Қармақшы ауданы бойынша білім бөлімінің басшысы Берік Жәнібеков мектептерді аралап, олардың материалдық-техникалық жағдайымен және жылу маусымына дайындығымен танысты.

Тексеру барысында оқу кабинеттерінің жабдықталуы, асханалар мен санитарлық тораптардың жай-күйі, оқу-тәрбие үдерісінің ұйымдастырылуы назарға алынды.

Сонымен бірге, қазандықтардың техникалық жағдайы, отын қоры, жылу беру жүйесінің дайындығы пысықталды.

Бөлім басшысы мектеп әкімшілігіне оқу-тәрбие көрсеткішін көтеру бойынша нақты тапсырмалар берді. Сонымен қатар, мектеп басшыларының ұсыныс-пікірлері тыңдалып, алдағы жоспарларды талқылады.