Аудан басшысы бірқатар білім ордаларын аралады

qarmaqshy-tany.kz Аудан әкімі Жандос Еркінбек Жосалы кентінде орналасқан бірқатар білім ордаларын аралап, жылу жүйелерінің жұмысы мен санитарлық – талаптардың сақталуын қадағалады.

Алдымен №30 орта мектептің базасында болып, мектеп ғимаратының кабинеттерін аралап, мұғалімдер қауымымен және оқушылармен кездесті.

Бұдан соң Мемлекет басшысының тапсырмасы бойынша «Жайлы мектеп» пилоттық ұлттық жобасы негізінде 600 орындыққа негізделген №105 мектеп-лицейінің жаңа ғимараты түсетін орынды көріп, қазіргі білім ордасының жай-күйімен танысты.

Сонымен қатар №250 мектеп-лицейіне барып, білім беру ұйымының материалдық-техникалық базасын аралады. Мектеп жанынан құрылған «Өнер» орталығына болып, дарынды өрендердің шығармашылық жұмыстарымен қатар «Қуыршақ» театрының арнайы қойылымын тамашалады.

Сондай-ақ аудан әкімі Жандос Еркінбек аудандық білім бөлімінің басшысына білім беру ісін жетілдіру мен оқушыларға заман талабына сай білім алуына қолайлы жағдай жасау жұмыстарын одан әрі дамыту бағытында бірқатар тапсырмалар жүктеді.