qarmaqshy-tany.kz Aуданымыздың бас ұстазы Гүлзира Мажитқызы ауданға қарасты білім ордаларын аралауды жалғастыру барысында №107, №108, №109 мектептерде болды.

Алдымен мектептердің білім алушыларының шығармашылық жұмыстарымен танысып, еркін сұхбат құрып, білім алудағы оңды өзгерістер жайында пікірлерімен бөлісті.

Сондай-ақ, мектептер бойынша орта білім беру сапасын арттыруға бағытталған жұмыстардың жай-күйімен таныса отырып, биылғы жылдың жаңа оқу тоқсанынан бастап Қазақстан Республикасы Президентінің 2022 жылғы 26 қарашадағы №2 Жарлығына сәйкес жалпы білім беретін мектептердің жекелеген санаттағы және 1-4 сынып оқушылары арасында тегін ыстық тамақпен қамтамасыз ету барысын бақылаумен қатар, маусымға сәйкес білім беру ошақтарында ұстаздар мен оқушылардың жылы орындарда білім алуы үшін мектепті жылытудағы қажетті сұйық отынның мөлшерлемесін басты назарда ұстауды басшыларға тапсырды.