qarmaqshy-tany.kz Ауданның бас ұстазы Г.Абдазиева: "Елдің келешегі кемелді болуы – жастардың белсенді, білікті, білімді болуына тікелей байланысты. Ал, олардың бәсекеге қабілетті болып қалыптасуы үшін жан-жақты жағдай жасау міндеті тұр. Осының салмағын барынша сезіну білім беру ұйымдарына жүктелетіні анық. Осы тұрғыда ауданға қарасты білім ордаларын аралауды жалғастыру барысында бірнеше мектептерде болып, олардың тыныс-тіршілігімен таныстым. Соның ішінде ең әсерлі сәттерді көзбен көріп, көңіліме тоқыттым.

Қуантарлығы оқушыларымыздың «Оқуға құштар мектеп» жобасы аясындағы көркем әдебиеттердегі үздік классиктер шығармаларын талдау, талқылау мүмкіндіктерімен мағыналы оралымды ойларын жеткізуі, өзара ашықтық тұрғыда өзіммен сұхбат құруы және сондай-ақ қызықты қойылымдармен қатар дәстүрімізді дәріптеутегі домбыра тарту шеберліктері риясыз күйге бөледі"-деді.