Қазақстанда 2026 жылдан бастап жалақы мен зейнетақы өседі

Қазақстанда 2026 жылдан бастап жалақы мен зейнетақы өседі, деп хабарлайды Egemen.kz.



Қаржы министрлігі 2026-2028 жылдарға арналған республикалық бюджет туралы заң жобасын жариялады. Құжатқа сәйкес, 2026 жылдың 1 қаңтарынан бастап әлеуметтік-экономикалық негізгі көрсеткіштердің мөлшері мынадай болады:
Айлық есептік көрсеткіш (АЕК) – 4 325 теңге;
Ең төменгі жалақы (ЕТЖ) – 85 000 теңге;
Мемлекеттік базалық зейнетақы төлемі – 35 596 теңге;
Ең төменгі зейнетақы – 69 049 теңге;
Ең төменгі күнкөріс деңгейі – 50 851 теңге.
Сонымен қатар 2026 жылдан бастап жасына байланысты және еңбек сіңірген жылдары үшін тағайындалатын зейнетақы төлемдері 10%-ға өседі.
Мемлекет міндетті әлеуметтік медициналық сақтандыру қорына аударатын жарна көлемі есептеу объектісінің 2%-ы мөлшерінде белгіленбек.