ЭКОЛОГИЯЛЫҚ АХУАЛ МЕН КӨРКЕЙТУ МӘСЕЛЕЛЕРІ ТАЛҚЫЛАНДЫ
Облыс әкімінің төрағалығымен өткен жиналыс қорытындысына сәйкес, аудан әкімдігінде кезекті мәжіліс өткізілді. Жиынға аудан әкімінің міндетін атқарушы Шыңғыс Әбділәмитұлы төрағалық етті.
Мәжіліс барысында ауданның әлеуметтік-экономикалық даму мәселелері, соның ішінде жергілікті бюджеттің орындалуы, салық түсімдерін арттыру және облыс әкімінің тарапынан жүктелген тапсырмалардың орындалу барысы қаралды.
Сондай-ақ, «Таза Қазақстан» экологиялық бағдарламасын іске асыру және елді мекендерді көркейту, көгалдандыру мәселелері талқыланды.
Атап айтқанда, санитарлық тазалықты сақтау, ағаш отырғызу және көгалдандыру жұмыстарын күшейту қажеттілігі сөз болды. Ауылдық округ әкімдеріне тиісті тапсырмалар беріліп, бұл бағыттағы жұмыстардың маусымдық емес, тұрақты түрде жүргізілуі талап етілді.
Күн тәртібіндегі мәселелер бойынша қабылданған шешімдер тұрақты бақылауға алынатынын атап өтті.
