Облыс әкімінің төрағалығымен өткізілген мәжілісте көтерілген мәселелер бойынша міндеттер айқындалды
Үкімет отырысынан кейін өткізілген мәжілісте теміржол саласы мен транзиттік әлеуетті арттыру және IT саланы дамыту туралы мәселелері қаралып, облыс әкімі тарапынан берілген бірқатар нақты тапсырмалардың орындалу барысы пысықталды.
Жиын барысында аудан басшысы тиісті сала басшыларына аудан мектептерінде робототехника кабинеттерінің санын арттыру, мұғалімдердің IT саласындағы біліктілігін дамыту, IT саласының маңыздылығын жергілікті тұрғындар арасында насихаттау және аудан аумағындағы барлық ауылдық елді мекендерді жоғары жылдамдықты интернетпен қамтамасыз ету бойынша байланыс операторларымен жұмыс жүргізу жөнінде нақты тапсырмалар берді.
Сонымен қатар, аудан аумағында өткізілген барлық қоғамдық-саяси және әлеуметтік шараларды бұқаралық ақпарат құралдары мен әлеуметтік желілер арқылы дер кезінде ақпараттандырыр отыру қажеттігі атап өтілді.
Жиналыс қорытындысымен аудан басшысы облыс әкімінің берген тапсырмалардың орындалу барысы ерекше бақылауға болатынын және тиісі сала басшылары мен кент, ауылдық округ әкімдеріне жұмыстың тиімділігін арттыру бойынша нақты міндеттер жүктеді.
