ҚҰРБАН АЙТТАҒЫ ҚУАНЫШ

әслихаттың төрағасы Әділ Қошалақов, аудандық Ардагерлер кеңесінің төрағасы Асқар Мереков, ауданның бас имамы Нұрболат Рахматуллаев, ауылдық Ардагерлер кеңесінің төрағасы Әлімбай Білжанов, «Оспан молда» мешітінің имамы Камал Тобжановтар құттықтау сөз сөйлеп, игілікті іске атсалысқан барша жанға алғыстарын білдірді.

Мұнан соң ауыл әкімі Жағыпар Төлегенов исі мұсылманның қасиетті мерекесімен құттықтай келе, игі істің басы-қасында болып, ұйымдастырушылық жұмыстарында белсенділік танытқан азаматтарға марапаттау рәсімін жасады.

Мереке одан әрі асхананың ашылу салтанатына ұласып, лентасы қиылды. Жаңа жайда дастарқан жайылып, жиылған жұрт дәмнен ауыз тиді. Ауданның бас имамы аруақтарға Құран бағыштап, айт мерекесінің маңыздылығына тоқталып, көпшілікке уағыз айтты. Сонымен қатар «Иіркөл» шаруа қожалығының төрағасы Дархан Әубәкіров ауыл үлкендеріне шапан жауып, құрмет көрсетсе, одан бөлек, 1967 жылғы мектеп түлектері Мейрамбек Нұрашев пен Мирамкүл Әбішова түлектер атынан ардагерлерге өздерінің сый-сияпатын жасап, ақжарма тілектерін арнады.

Игілікті шарада ұлттық, бұқаралық спорт түрінен түрлі жарыстар өтіп, қорытындысы шығарылды. Оған "Иіркөл" шаруа қожалығының демеушісі Ержан Шадимов және шаруашылық төрағасы Дархан Әубәкіров қолдау жасады. Сайыстар нәтижесінде жасөспірімдер арасында қазақша күрестен 1-орынды Мирас Қанибек, 2-орынды Нұрәлі Нұртаев, 3-орынды Абылай Ыбырай жеңіп алса, ересектер арасында 1-орыннан Рақымжан Амантай, 2-орыннан Кенесары Махмутов, 3-орыннан Рамазан Бимұратов көрінді. Қол күрес жарысы бойынша әйелдер арасында 1-орын Нұржау Дариповаға, 2-орын Гүлбақыт Шалмановаға, 3-орын Гүлжауһар Көпжасароваға бұйырса, ерлер арасында 1-орынға Рақымжан Амантай, 2-орынға Мейірхан Әбішов, 3-орынға Рүстем Алманов орнықты.

Спорттық іс-шараның кезекті түрі – 5 шақырымға жүгіру марафоны болды. Онда 1-орынды Бекзат Серіков, 2-орынды Мұрагер Жұматай, 3-орынды Батыржан Нұртаев еншілесе, қошқар көтеруден Жарқынбек Жұмағалиевтің бәсі биік шықты. Арқан тартыс бойынша 1-орынға «Бір атаның балалары» командасы, 2-орынға «1986 жылғылар» командасы және 3-орынға «1990 жылғылар» командасы ие болды.

– Мешіт жанынан асхана салу ауыл тұрғындарының көптен көкейінде жүрген іс еді. Сәті енді түсіп, қуанып жатқан жайымыз бар. Ас, құдайы жолы беретінде ойланып қалатынымыз бар болатын. Міне, ол мәселе де шешімін тауып, осы иіркөлдіктердің, ауылдан шыққан азаматтардың ауызбірлігінің арқасында қолданысқа беріліп жатыр. Аталған шаруаны ұйымдастырушыларға, көмек қолын созған баршаға риясыз алғыс білдіреміз, – дейді ауыл тұрғындары ризалық сезімде.

Тағы бір қосарлығы, «Жақсылық жасасаң, ауылыңа жаса» дегендей, 20 жылдық мектеп түлектері туған жерге сияпат ретінде елді мекеннің кіреберісіне «I Love you Иіркөл» жазуын сыйға тартқан.

Сәрсенкүл АҚКІСІ