ЫСЫРАПШЫЛДЫҚ – ҚОҒАМ ДЕРТІ

Бүгін ауданда «Ысырапшылдық – қоғам дерті» тақырыбында діни-танымдық конференция өтті. Конференцияға аудандық ардагерлер кеңесінің төрағасы Асқар Ермағанбетұлы, Жосалы кентінің ардагерлер кеңесінің төрағасы Ұзақбаев Ерболат, аудан бас имамы Нұрболат Ғабитұлы, қоғамдық даму бөлімінің теолог маманы Рахат Бахытжанұлы, кент және ауылдық округтердегі имамдар қатысты.

Конференция барысында «Ысырапшылдықтың үкімі» тақырыбында аудан бас имамы Нұрболат Ғабитұлы, «Жаназа, жерлеу және ас беру рәсімдеріндегі теріс түсініктер мен ысырапшылдық» тақырыбында аудандық ардагерлер кеңесінің төрағасы Асқар Ермағанбетұлы баяндама жасады. Сондай-ақ, Жосалы кентінің ардагерлер кеңесінің төрағасы Ұзақбаев Ерболат «Кәмелетке толмағандардың неке қиюы» туралы баяндама жасады.

Конференция соңында сала мамандары пікір алмасып, қойылған ұсыныс-пікірлер талқыланып, конференцияны қорытындылады.