“ӨРТ - 2025” РЕСПУБЛИКАЛЫҚ КОМАНДАЛЫҚ-ШТАБТЫҚ ОҚУ-ЖАТТЫҒУ ӨТТІ
Өрт – адамзаттың тілсіз жауы. Ыстық ауа райы орман алқаптарында туындайтын өрттің санын одан сайын арттырады. Әсіресе, дала өрті – табиғатқа және мемлекетке орны толмас шығын әкеледі.
Осы орайда аудан әкімінің орынбасары А.Әнуар орман-дала өрттерінің алдын алу және жою бойынша өткізілген республикалық командалық-штабтық оқу-жаттығуға қатысты.
Қармақшы аудандық төтенше жағдайлар бөлімімен ұйымдастырылған шараға аудан әкімдігі, орман және жануарлар дүниесін қорғау мекемесі, №10 өрт сөндіру бөлімі, полиция бөлімі, жедел жәрдем қызметі, сондай-ақ, ауылдық округтердегі ерікті өрт жасақшылары жұмылдырылды.
Оқу-жаттығудың мақсаты – өрт сөндіруші қызметкерлерге өртті сөндіру әдістерін үйрету және өрт кезіндегі іс-қимылды жақсарту бойынша практикалық жұмыстар жүргізу.
Аудан әкімінің орынбасары оқу-жаттығудың өткізілу барысын арнайы барып көріп, өрт оқиғасы орын алған кезде оны жоюға жұмылдырылатын азаматтық қорғау қызметтері мен құрылымдардың әзірлігін тексерді.
Оқу жаттығуға бардығы 15 бірлік техника, 62 адам жұмылдырылды.
