ШЕБЕР ОҚЫТУШЫЛАР СЫНҒА ТҮСТІ

Еліміздегі жұмысшы мамандар даярлауда кəсіптіктехникалық колледждердің үлесі жоғары. Осыған орай жуырда аудандық аграрлы-техникалық колледжде «Үздік өндірістік оқыту шебері – 2025» байқауы болып өтті. Байқаудың мақсаты – өндірістік оқыту шеберлерінің педагогикалық шеберлігі мен шығармашылығын жетілдіру, мамандығының беделін арттыру, озық педаго гикалық тәжірибені насихаттау.

Бүгінгі таңда білім беру үдерісін ақпараттандыру арқылы оқыту, өндірістік оқыту процесінде коммуника циялық технологиялар мен оқытудың заманауи əдіс-тəсілдерін қолдану өте маңызды. Шебер оқытушылар сынға түскен байқау 4-кезең бойынша ұйымдастырылды. Аталған додада колледждің əлеуметтік серіктестіктері болып табылатын мекеме қызметкерлері қазылық етті.

Байқау нəтижесінде І орынды «Автомобиль көлігіне техникалық қызмет көрсету жөндеу және пайдалану» мамандығы бойынша өндірістік оқыту шебері Нұрлан Ділманов қанжығасына байласа, ІІ орынды «Ауыл шаруашылығын механикаландыру» мамандығы бойын ша өндірістік оқыту шебері Гүлнұр Алиева иеленді. Ал жүлделі ІІІ орынға «Электр жабдықтары (түрлері және сала лары)» мамандығы бойынша өндірістік оқыту шебері Аманкүл Қартаңбаева жайғасып, марапат биігінен көрінді.