«Үздік өндірістік оқыту шебері - 2022» колледжішілік байқауы
qarmaqshy-tany.kz Кəсіби мамандар даярлауды мақсат еткен кəсіптік-техникалық колледждердің инженер-педагогтарына қойылар талап та жоғары. Еліміздегі жұмысшы мамандар даярлауда кəсіптік-техникалық колледждердің үлесі үлкен. Бүгінгі таңда білім беру үдерісін ақпараттандыру арқылы оқыту, өндірістік оқыту процесінде коммуникациялық технологиялар мен оқытудың заманауи əдіс-тəсілдерін қолдану өте маңызды.
Осы орайда 2022 жылдың 21 – желтоқсан күні Қармақшы аграрлы техникалық колледжінде "Үздік өндірістік оқыту шебері-2022" колледжішілік байқауы болып өтті. Дəстүрлі кəсіби байқауда бақ сынасқан өндірістік оқыту шеберлері 4-кезең бойынша сынға түсті.
Байқауға колледж директоры Б.Сайдулла және «Альбер» автотехникалық қызмет көрсету бекетінің басшысы Б.Әлментаев қатысып өндірістік оқыту шеберлеріне жылы лебіздерін білдіріп, сәттілік тіледі.
Байқау нəтижесінің қортындысы бойынша «Үздік өндірістік оқыту шебері-2022» байқауының жеңімпазы Қалымбетова Лаура Дайрбекқызы атанып, марапатталды.
Бүгінгідей нарықтық қатынастар уақытында бəсекеге қабілетті мамандар даярлау кезек күттірмейтін қызмет. Олай болса мықты мемлекеттің басты капиталы білікті мамандар даярлауды мақсат еткен, үздіктер қатарынан көрінген өндірістік оқыту шеберлерін құттықтай отырып шығармашылық табыс тілейміз.
