«ҮЗДІК ӨНДІРІСТІК ОҚЫТУ ШЕБЕРІ -2025» колледжішілік байқауы
Қармақшы аграрлы-техникалық колледжінде «Үздік өндірістік оқыту шебері-2025» байқауы болып өтті. Еліміздегі жұмысшы мамандар даярлауда кəсіптік-техникалық колледждердің үлесі жоғары.
Бүгінгі таңда білім беру үдерісін ақпараттандыру арқылы оқыту, өндірістік оқыту процесінде коммуникациялық технологиялар мен оқытудың заманауи əдіс-тəсілдерін қолдану өте маңызды.
Кəсіби байқауда бақ сынасқан өндірістік оқыту шеберлері 4-кезең бойынша сынға түсті. Аталмыш додада колледждің əлеуметтік серіктестіктері болып табылатын мекеме қызметкерлері әділ қазылық етті.
Байқау нəтижесінде І орынды «Автомобиль көлігіне техникалық қызмет көрсету жөндеу және пайдалану» мамандығы бойынша өндірістік оқыту шебері Н.Ділманов, ІІ орынмен «Ауыл шаруашылығын механикаландыру» мамандығы бойынша өндірістік оқыту шебері Г.Алиева, ІІІ орынды «Электр жабдықтары (түрлері және салалары)» мамандығы бойынша өндірістік оқыту шебері А.Қартаңбаева иеленіп марапат биігінен көрінді. Бүгінгідей нарықтық қатынастар уақытында бəсекеге қабілетті мамандар даярлау кезек күттірмейтін қызмет.
