«ЗАҢ ЖӘНЕ ТӘРТІП КЕРУЕНІ» АКЦИЯСЫ ҚАРМАҚШЫДА ӨТЕДІ
Құрметті аудан тұрғындары!
Қызылорда облыстық прокуратурасының ұйымдастыруымен өңірде «Заң және тәртіп керуені» акциясы өтуде. 20 наурыз күні бұл шара Қармақшы ауданының барлық елді мекендерін қамтитын болады.
Акцияның негізгі мақсаты – тұрғындарға заң талаптарын түсіндіру, құқық бұзушылықтың алдын алу, кәсіпкерлерді құқықтық сүйемелдеу және азаматтардың құқықтық сауаттылығын арттыру.
Аталған шара аясында Қызылорда облысы прокурорының бірінші орынбасары И.Т.Төлегенов 20 наурыз күні сағат 10:30-да Жосалы кентіндегі «Руханият» орталығында халықпен кездесу өткізіп, азаматтарды жеке мәселелері бойынша қабылдайды.
Құқықтық мәселелерге қатысты сұрақтарыңыз болса, осы мүмкіндікті пайдаланып, өзіңізді толғандырған сұрақтарға жауап алуға шақырамыз!
