МОБИЛЬДІ ҚАБЫЛДАУ ӨТКІЗІЛДІ
Бүгін "AMANAT" партиясы Байқоңыр филиалының ұйымдастыруымен мобильді қабылдау өтті.
Қабылдауға жазылған Байқоңыр қаласы мен Төретам кентінің тұрғындары банк алдындағы несие қарызы, жұмыспен қамту және әлеуметтік төлемдер мәселелеріне байланысты өтініштерін білдірді.
Мәселен, Байқоңыр қаласының тұрғыны несие төлеу мерзімінің өтіп кеткендігіне байланысты заңгерлік кеңес беруді сұрады.
Өз кезегінде қабылдауға жазылған Төретам кентінің тұрғындары мемлекеттік АӘК (атаулы әлеуметтік көмек) алуға көмек сұраса, қала тұрғындары бірнеше жыл жұмыссыз жүргенін айтып, жұмысқа орналасуға ықпал жасауын сұрады.
Тұрғындарды қабылдаған партия филиалының төрағасы, Қармақшы аудандық мәслихаттағы "AMANAT" партиясы депутаттық фракциясының мүшесі Еркін Рзалиев, партия филиалының Атқарушы хатшысы Мақсат Есбенбетов, партия филиалы жанындағы партиялық бақылау комиссиясының төрағасы Сейл Жұмадьяров, аудандық жұмыспен қамту және әлеуметтік бағдарламалар бөлімінің Байқоңыр қаласы бойынша сектор меңгерушісі Берік Бакиев, Қызылорда облысы Әділет департаментінің "Қармақшы ауданаралық мәжбүрлеп орындату аумақтық бөлімі" филиалының басшысы-аға сот орындаушысы Жанат Баекеева мәселелердің заң аясында шешілуі бойынша жұмыстар атқаратындарын жеткізіп, бағыт-бағдар мен кеңестер берді.
Айтылған мәселелер шешімін тапқанға дейін "AMANAT" партиясы Байқоңыр филиалының назарында болады.
