ТҰРҒЫНДАРДЫҢ МӘСЕЛЕЛЕРІ ТЫҢДАЛДЫ
Бүгін "Кедергісіз келешек" партиялық жобасы аясындағы тақырыптық қабылдау ұйымдастырылды.
Тақырыптық қабылдауға "AMANAT" партиясы Байқоңыр филиалының Атқарушы хатшысы Мақсат Есбенбетов, аудандық жұмыспен қамту және әлеуметтік бағдарламалар бөлімінің Байқоңыр қаласы бойынша сектор меңгерушісі Берік Бакиев пен көпбейінді ауруханасы бас дәрігерінің орынбасары Ержан Игенбаев қатысты.
Қабылдауға Байқоңыр қаласы мен Төретам кентінің тұрғындары жазылды.
Алғашқы болып тақырыптық қабылдауға кірген Байқоңыр қаласының тұрғыны ұлдарының мүгедектігі бар екенін айтып, атаулы әлеуметтік көмек алуға өтініш білдірді.
Келесі кезекте қабылдауға жазылған Төретам кентінің тұрғыны мүгедектігі бар ұлына санаторийге жолдама беруге көмек сұрады.
Тұрғындардың өтініштері мұқият тыңдалып, заң аясында тиісті жұмыстардың жүргізілетіндігі туралы ескертілді.
Өтініштердің оңтайлы шешілуі "AMANAT" партиясы Байқоңыр филиалының бақылауына алынды.
