Тұрғындардың өтініштері тыңдалды

Бүгін "Кедергісіз келешек" партиялық жобасы аясында тақырыптық қабылдау өткізілді.

Қабылдауға "AMANAT" партиясы Байқоңыр филиалының Атқарушы хатшысы Мақсат Есбенбетов, Қармақшы аудандық жұмыспен қамту және әлеуметтік бағдарламалар бөлімінің Байқоңыр қаласы бойынша сектор меңгерушісі Берік Бакиев және Байқоңыр қаласының көпбейінді ауруханасы бас дәрігерінің орынбасары Ержан Игенбаев қатысты.

Тақырыптық қабылдауға жазылған тұрғындар медициналық көмек пен әлеуметтік төлемдер мәселелеріне байланысты өтініштерін білдірді.

Бірқатар өтініш қоғамдық қабылдау барысында шешілсе, бір мәселе бойынша арнайы тексеру жүргізілетін болды.

Сонымен қатар, қабылдауға келген тұрғындарға заң аясында тиісті түсіндірмелер мен кеңестер берілді.