"Халыққа көмек" партиялық жобасы аясында "AMANAT" партиясы Байқоңыр филиалының Атқарушы хатшысы Есбенбетов Мақсат Басахаддинұлы әлеуметтік желідегі партия филиалының ресми парақшасы арқылы қоғамдық қабылдауға жазылған Байқоңыр қаласының тұрғындарын қабылдады.

Алғашқы болып қоғамдық қабылдауға жазылған Байқоңыр қаласының тұрғыны жұмысқа орналасуға көмек көрсетуді сұрады.

Келесі кезекте қоғамдық қабылдауға кірген қала тұрғыны медициналық қызмет көрсету және әлеуметтік төлемдер мәселелері бойынша өтініштерін білдірді.

Тұрғындардың өтініштері жан-жақты зерделеніп, тиісті мекемелерге жолданды.

Қоғамдық қабылдау барысында тұрғындар тарапынан айтылған өтініштердің оңтайлы шешілуі партия филиалының бақылауына алынды.