САРЫӨЗЕК КӨЛІНЕ СУ ҚҰЙЫЛЫП ЖАТЫР
Сырдария өзенінің су арнасы толысуына байланысты Сарыөзек көліне мол ағын су келіп түсуде. Бұл жағдай Жосалы кенті тұрғындарының мал шаруашылығы мен айналысуына қолайлы жағдай жасап, жайылымдық және шабындық жерлердің суландырылуына мүмкіндік береді.
Өткен жылдың күз мезгілінде аудан әкімі Жандос Еркінбектің тапсырмасымен сала мамандары зерделеу жұмыстарын жүргізіп, Сарыөзек көліне су жіберу мақсатында «Сарыөзек құярлығы» (ескі сброс) учаскесіне СНП 500 насос қондырғысы орнатылып, су айдауды қолмен жүргізу мүмкіндігі қамтамасыз етілген болатын.
Осы орайда, 2025 жылдың көктемінде Сарыөзек көлінің су деңгейі төмендеген жағдайда, осы атқарылған жұмыстарды жалғастыру жоспарланып отыр.
