БАЛАНЫҢ ҚУАНҒАНЫ - БІР БАҚЫТ!
Жаңа жыл – балалар үшін қиял-ғажайыпқа толы мереке. Себебі бұл – барлық баланың асқақ арманына сенетін күні. Сондықтан болар, бұл мерекені әр бүлдіршін тағатсыздана күтеді.
Осы ретте, бүгін Жосалы кентінің әкімі Досмуратов Алмасхан Әріпханұлының қатысуымен көп балалы отбасының балаларына арналған жаңажылдық шаршасы өтті.
Жосалы кенті әкімінің мерекелік шыршасын аудандық мәдениет үйінің көркем өнерпаздарының дайындаған мерекелік бағдарламасымен ертегі кейіпкерлері балаларға ерекше көңіл-күй сыйлады.
Алмасхан Әріпханұлы балаларды 2025 - Жаңа жыл мерекесімен құттықтап, мерекелік сыйлықтарын табыстады.
Ата-аналар балаларға уақытын бөліп, сый-құрмет көрсеткен Жосалы кентінің әкіміне шынайы алғыстарын білдіріп, жылы лебіздерін жеткізді.
