Қармақшы ауданы әкімінің халықпен кездесулері Жосалы кентінде қорытындыланды
Аудан әкімі Жандос Еркінбектің «Әкімдердің халықпен кездесулерін өткізу туралы» Қазақстан Республикасы Президентінің Жарлығына сәйкес Жосалы кенті тұрғындарымен кездесуі өтті.
Кездесуде Жосалы кентінің әкімі Алмасхан Әріпханұлы 2024 жылдың өткен мерзімінде атқарылған жұмыстардың есебін берді.
Одан кейін аудан басшысы жыл басынан бері атқарылған ауқымды жұмыстар мен алдағы жоспарларымен бөлісті.
Өткен жылы, Жосалы кентінде халықтың әлеуметтік осал топтарына және кезектілікте тұрған азаматтарға тұрғын үй қорынан үй сатып алуға қаржы бөлініп, 50 пәтер сатып алынса, биылғы жылы 156 пәтер сатып алынып, пайдалануға берілді.
«Тәуелсіздік» ықшам ауданының үйлеріне газ желілерін жеткізу құрылысы аяқталып, тұрғындар газбен қамтамасыз етілді.
Аудандық бюджет қаражаты есебінен құны 27,3 млн. теңеге болатын 2 балалар ойын және футбол алаңдары салынып, пайдалануға берілді.
«Ауыл-Ел бесігі» бағдарламасы аясында Жосалы кентінің С.Ысқақов, Ү.Томанов көшелеріне жөндеу жұмыстары жүргізілсе, аудандық бюджет қаражаты есебінен Тоғанас батыр, Меңей батыр, Кішенов, Әділова көшелері орташа жөндеуден өтті.
Көшелерді жарықтандыру жұмыстары да назардан тыс қалған жоқ. Аудандық бюджет қаражаты есебінен Жосалы кентінің 4 көшесін жарықтандыруға және бағаналарға декоративті безендіру жарықтарын орнату жұмыстары жүргізіліп, толық аяқталды.
Кенттің кіре-берісіне төлкұжат орналастыру үшін қаржы қаралып, паспорт орнату жұмыстары жүргізілді.
«Руханият жылы» аясында аймақ басшысының қолдауымен аудан орталығында «Руханият орталығы» бой көтеріп, құрылысы аяқталды. Жоба құны 1,7 млрд.теңге.
Жосалы кентінің тұрғындары үшін өзекті мәселенің бірі бұл - темір жол өткелі. Қазіргі таңда мемлекеттік сатып алу жұмыстары жүргізілуде. Мердігер мекеме анықталса, құрылыс жұмыстары басталатын болады. Жоба құны 5,5 млрд. теңге
Оқушылардың заманауи мектепте білім алуына жағдай жасау мақсатында «Жайлы мектеп» ұлттық жобасы бойынша 2025-2026 жылдар аралығында Жосалы кенті мен ІІІ Интернационал ауылдық округінде жаңа мектеп ғимаратының құрылысы басталады.
Қ.Жолдыбаев көшесінің Е.Көшербаев пен А.Құнанбаев көшелері аралығын абаттандыру жұмыстары жүргізілді. Сондай-ақ, Т.Рысқұлов көшесінің Е.Көшербаев көшесінен «Сырдария» өзеніне дейінгі бөлігіне тас төсеніштен жаяу жүргінші жолын салу жұмыстары мен 2023 жылы басталған Шығыс каналының жағасын абаттандыру жұмыстарын аяқталды. А.Құнанбаев көшесіне кіре беріс бөлігін және І.Мүсірбаев көшесінің бойын абаттандыруға қаржы бөлініп, құрылыс-монтаж жұмыстары толығымен аяқталды.
Осы абаттандыру жұмыстарының нәтижесінде биылғы жылы өткізілген «Үлгілі елді мекен» конкурсында «Үздік аудан оталығы» номинациясы бойынша Жосалы кенті І орын иеленіп, 4 дана арнайы техника сыйға берілді.
Облыс әкімінің тапсырмасына сәйкес нарықты ішкі өнімдермен толықтыру мақсатында Жосалы кентіне 31 гектар қосымша бақшалық жерлер дайындалып, 63 отбасыға бөлініп берілді. Нәтижесінде 5 гектар картоп, 5 гектар көкөніс, 21 гектар бақша дақылдары егілді.
Кездесу соңында аудан әкімі кент тұрғындары тарапынан айтылған ұсыныстар мен қойылған сауалдарға заңдылықтар аясында нақты жауаптар берді.
