Қармақшы ауданына қарасты Ақтөбе ауылында ұлттық спорт түрлерін дамыту мақсатында жаңа ипподромның құрылысы жүріп жатыр. Бұл жоба «Ақтөбе и К» ЖШС-нің демеушілігімен жүзеге асырылуда, жалпы құны 70 млн теңгені құрайды. Ипподромның аумағы 36 гектарды қамтып, ашылуы 2025 жылдың сәуір айына жоспарланған. Құрылыс жұмыстары аяқталғаннан кейін нысан мемлекет меншігіне беріледі.

Аталмыш ипподром ұлттық спорт түрлерін, атап айтқанда, ат спорты, көкпар, теңге ілу және бәйге секілді дәстүрлі ойындарды дамытуға бағытталған. Нысан ауыл тұрғындары үшін ұлттық спорт жарыстары мен мәдени іс-шараларды өткізетін орталыққа айналып, жастарды ұлттық құндылықтарға тәрбиелеуге және салауатты өмір салтын насихаттауға ықпал ететін болады деп күтілуде.