Оған 22 жасқа дейінгі колледж және университет студенттері, білікті жас мамандар, сонымен қатар танымал мамандар, кәсіпқойлар, өндірістік оқыту шеберлері мен тапсырмаларды орындауды бағалайтын сарапшы ретіндегі нұсқаушылар қатысады. Елімізде бұл жоба биыл да жүйелі жүзеге асуда. 2024 жылдың 7-18 қазан аралығында Кентау көпсалалы колледжінің ұйымдастыруымен «Сапалы білім беру – білімді ұлт» ұлттық жобасын іске асыру шеңберінде және жұмысшы мамандықтарын насихаттау мақсатында «WorldSkills – 2024» республикалық чемпионатының аймақтық оқу жаттығу лагері өткізілді. Аймақтық чемпионатқа академик С.Жиенқұлов атындағы Байқоңыр жоғары колледжінен «Кескіндеме және сәндік жұмыстар» құзыреттілігі бойынша Рамазан Серікқалиев (жетекшісі Шолпан Дауленбаева) қатысты.

Чемпионаттың мақсаты – жұмысшы мамандықтарының беделін арттыру және шеберлік дағдыларын дамыту. Аймақтық чемпионат әр қаладан келген үздік бәсекелестердің басын қосқан дода болды және чемпионат үлкен ынтамен басталды.

Онда қатысушылар тұсқағазды жабыстыру, түстерді бағалау және «Жылдамдықтағы фреска» модуліне бірінші қабатты қолдану жұмыстарын орындады. Содан кейін бірінші күннің барлық тапсырмаларын орындап шығу керек болды. Барлық қатысушы үшін тек жарыс қана емес, сонымен қатар тығыз қарымқатынас, жаңа таныстар, тәжірибе алмасу, шабыттану алаңына айналды десем артық емес.

Дарынды жастардың қиялына қанат бітіру үшін колледж шеберханасында қажетті құралдар толық жабдықталып, қатысушыларға барлық жағдай жасалған. Қатысушылар үздіктер қатарынан көріну үшін өз күш-жігерлерін, ынталарын салып жұмыс жасады. Колледж намысын қорғаған Рамазан Серікқалиев І орынды жеңіп алып, мерейімізді асқақтатты. Бұл ұстаз еңбегінің – жемісі, шәкірт дайындығының – айқын көрінісі.